港股噚日終於好似突然坐火箭咁爆升逾600點，成交突破1,100億元，創了今年第二高成交額！
之前，全世界都話三中全會無乜料到，政策又無乜驚喜，但其實嗰陣時已經有財演話咗嘞，一直以來，三中全會的公報都係一個總結，要等多陣先會有正嘢出台。上星期五（15日）真係突然公佈細則，政策涉及的範疇更超市場預期！果然「沒有驚喜，才是最驚喜」。
第三季盈利明顯改善
不過，唔係食正政策都一定可以炒上天，好似等到頸都長的「單獨二胎」政策終於出台，不過好孩子（1086）只係曾經炒高逾一成，但收市竟然只升4%。而奶粉股雅士利（1230）就由頭帶到落尾，抽高一成。
就算無政策「照住」，都唔代表無力升上。早已經發盈喜的國美電器（493），喺噚日收市後公佈了業績，首九個月成功扭虧為盈，賺5.82億元人民幣，上年蝕8.29億元人民幣，整體毛利率上升1.78個百分點至18%的歷史高位。
最值得留意是，單計第三季利潤已經達2.6億元人民幣，而同店銷售增長亦改善至8.8%，這充份反映上季經營明顯轉好。全靠公司實施了實體店及網上電子商務的策略越來越成功。
花旗昨日發表報告，將國美目標價由1.59元升至2元，維持買入。指公司成功節省營運成本、盈利增長前景等，都有利重新評估估值。該股昨收1.44元，仍有上升水位值得留意。
瑪姬兒
足本收睇《亂噏24》x 楊千嬅；影帝張家輝接力上陣！
周一至周五《亂噏24》約定你： http://bit.ly/appletalk24