【公司專訪】
風水，是一門學問，也是一盤生意，但風水公司上市，聽者倘不嘩然也會質疑，不過這又的確發生了──新加坡風水公司新天地集團去年6月在英國創業板AIM上市，「呢個行業好多亂七八糟，我哋想個行業有規範、有透明度、有制度，成功上市，證明個行業係可以咁樣去經營……」
記者：何凱兒
集團首席財務官（CFO）張楚翹指，新天地是第五家經他手「湊」上市的公司，他正部署將集團帶到香港作雙邊上市（dual listing）。
新天地由新加坡風水師彭鐘樺在1989年創辦，有別於香港的同業，彭氏不以自己名字掛帥，採「緣中秀」為品牌，目標是要建立一個平台，提升風水師以致整個行業的形象。
張楚翹說，他與彭鐘樺在2009年結緣，他先花兩年時間理順緣中秀的經營模式，2012年初籌備IPO，同年6月28日在AIM掛牌。
聖誕老人比喻風水
儘管風水廣為中西方接納，但對資本市場來說，既陌生又難以計算，單是公司估值也考起投資者「我哋有現金流，每年穩賺過千萬，全部有record冇得呃，但外國投資者都唔識計，最後由彭師傅決定用8便士呢個意頭價上市，計番即係約4、5倍PE」。
除了選擇IPO價之外，彭鐘樺還擇了6月28日這個吉日上板。
「當時最難係同外國人解釋乜嘢係風水，結果我用聖誕老人做比喻，你哋明知聖誕老人係假嘅，但都同仔女講有聖誕老人，為嘅都係想自己愛錫嘅人開心，同樣道理，風水都係令人開心……」
張楚翹說，緣中秀每種服務、產品均明碼實價、公開透明「比如睇風水，公司客每平方米收88元人民幣，住家每平方米收68元人民幣，起紫微命盤收費是388元新加坡幣，價錢等如風水界嘅麥當勞或者7-11，我哋唔收利是，所以係證券化畀股票啲師傅……」
辦研討會收入穩定
緣中秀每年大概有4至5萬宗交易，細至買700多元一件飾物到大至以萬元計的物業選址，張楚翹說當中70%是散客，但餘下的30%客已佔集團70%的收入來源，而替銀行開辦研討會或培訓班，是既大又穩健的收入來源。
雖說風水服務四季也有需求，但其實也有季節性因素，「11月至2月春節前後最旺，因為多人睇流年」。
不過緣中秀也有拒客於門外之時，「報仇、害人、大婆要斷二奶桃花，但凡心術不正我哋都唔會做……」但假如有黑幫大哥幫襯，「如果佢係嚟為自身或者屋企求平安就冇問題，總之害人嘅都唔做。」
足本收睇《亂噏24》x 楊千嬅；影帝張家輝接力上陣！
周一至周五《亂噏24》約定你： http://bit.ly/appletalk24