睇台慶
冇人話要睇電視，可上網重溫當年無綫台慶經典片段，睇肥肥踩雞蛋、發仔吞火、楊盼盼徒手爬繩。
睇波
誰說只有TVB先有波睇？大球場都有啦！屆時香港足球隊在亞洲盃外圍賽迎戰烏茲別克，出線生死戰！
睇亞視
雖然明知亞視無力回天，依舊播出《星動亞洲》、《詠春傳奇》（圖）等節目，但今晚破例轉台睇亞視，做埋筆記吖笨！
睇CCTV
睇清楚，唔係CCTVB，係CCTV，即閉路電視呀，雖然畫面單調平淡，但可窺看到人生百態。
睇《警界線》
一男子因素累港視胎死腹中，惟有上網狂煲《警界線》。係，已經睇咗第一集七七四十九次，但還是要繼續睇。
睇DVD
拿出陳年舊DVD《賭俠大戰拉斯維加斯》重溫，就是要睇阿叻俾萬梓良捉走，跪地監生食米奇老鼠屎一幕。
睇Tommy仔
Tommy仔曾是阿叻旗下藝人，但此Tommy仔是大鬧差館的野豬。眼見牠被差人又麻醉槍又盾牌侍候，真是陰功豬。
睇《殭屍》
Juno套《殭屍》票房破1,600萬，閣下也貢獻了60元，但聽Juno說拍攝了鬼魂入鏡，你再入場便是捕捉那半秒鬼畫面。
守候TVB
以爭上頭炷香的心態捕在TVB門口，即TVBuddy公仔下面，霸頭位等睇阿叻兌現他的跪回家承諾。
自由活動
做乜都好，就係唔睇無綫台慶，仲要勸埋三姑六婆姨媽姑姐一齊罷睇無綫，原因不作解釋。
足本收睇《亂噏24》x 楊千嬅；影帝張家輝接力上陣！
周一至周五《亂噏24》約定你： http://bit.ly/appletalk24