（喜）上屆巴甲冠軍富明尼斯喺今季搞到要護級，𠵱家剩番3輪聯賽仲未安全，好在喺周日聯賽主場2:1險勝聖保羅，攞到救命3分，暫時以1分領先17位嘅哥列迪巴。富明尼斯生死未卜，但就喺官網高調宣佈已經簽咗啱啱幫廣州恒大贏亞冠盃錦標嘅孔卡（圖）。孔卡喺11年加盟恒大前曾經效力過富明尼斯3年，期間仲當選過巴甲最佳球員，不過唔知下季回巢嗰陣會唔會只係踢巴乙呢？另外，恒大嘅國足後衞張琳芃會喺1月過德甲搵食；據講佢有「中國沙治奧拉莫斯」之稱，真係咁勁？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange