民主黨噚日同狼英見面，發表對施政報告嘅意見，但何俊仁竟然喺會議開始咗大約45分鐘，先喺政總門口出現，唔好以為鐵頭仁遲大到，事實上係佢啱啱開完機管局嘅會議，專登趕去政總為黨友總結會面時做佈景板，充撐下場面。鐵頭仁話呀，諮詢會同機管局董事局會議撞期；佢身為機管局董事，揀咗放棄狼英，事關係人都知呢啲諮詢會行禮如儀，加上機管局有大鑊嘢，必須坐鎮。據知機管局噚日就機場一塊用地有唔同意見，主席張建東認為要配合機場第三條跑道，地底應該建列車車廠；但梁粉羅康瑞就認為要搬走個車廠，兩人各不相讓，最終事件爭拗下表決無期。
足本收睇《亂噏24》x 楊千嬅；影帝張家輝接力上陣！
周一至周五《亂噏24》約定你： http://bit.ly/appletalk24