狼英一早預告本月去廣西考察，八方聽聞佢早前四出向商會中人招手，美其名一齊外訪，實則似乎想搵多啲人做佢佈景板，係威係勢咁搞「內交」。尤其今次去廣西，有機會同力捧佢做特首嘅前中聯辦主任、廣西壯族自治區黨委書記彭清華敍舊，唔班多啲馬一齊去「報恩」，當年力撐佢砌低唐唐嘅彭清華顏面何存？咁啱港區政協委員亦會喺月底去廣西考察，據聞唔少政協內嘅商會猛人一早報名參加。有口痕友話，唔知狼英係咪驚佢嗰檔嘢唔夠人氣，所以考察日子同政協團有重叠，睇怕係方便商會中人「順便」畀面參加囉！但身為常委嘅唐唐，據聞因事唔會去政協考察團；咁都好，唔使見到彭清華眼冤嘛。
有高登友噚日就貼圖，話喺元朗石崗咖喱屋撞到狼英呢對夫婦，仲即時向巴打求教，遇上佢哋點算好？唔少巴打叫佢即場為市民出氣。
mailto:[email protected]
足本收睇《亂噏24》x 楊千嬅；影帝張家輝接力上陣！
周一至周五《亂噏24》約定你： http://bit.ly/appletalk24