【粗製濫造】
港劇質素每下愈況，守在屏幕前的「電視精」也對不合理劇情冷嘲熱諷。博客T在網誌「TVB made me open this」打正旗號罵無綫節目，劇中的熱鮮奶沒有煙、對白歧視女性，都躲不過T的雙眼。T在博文說，原本打算「金盆洗手」不寫視評，豈料港視不獲發牌，惟有「盡力睇番垃圾」。
熱鮮奶無煙夠經典
無綫《創世紀》內許文彪怒斥地產霸權的經典對白深入民心，T把該場戲的截圖配上反電視霸權對白：「你出去問吓人，是旦問一個人，問吓佢哋想要啲乜嘢！佢哋答案好簡單，只係想要一個好普通好普通、有正常智商嘅電視台……呢個世界公平咩？」（圖）
無綫劇除了「肚餓煮個麵」情節氾濫，熱鮮奶也不相伯仲，《愛．回家》也出現過。T諷刺製作人員沒心思，「杯冇柄，所以要咁輕鬆徒手攞住杯熱嘢，非一般人做到；一般人亦唔會三秒飲完一杯熱鮮奶；仲有，熱鮮奶係冇煙嘅！」T又不滿早前《法網狙擊》的對白「強化歧視」，楊怡取笑其他女性是「豬扒」，陳敏之更說「飲high啲易辦事」，變相教人乘人之危。T指發牌風波當中的大道理明顯，大家都希望多些選擇，改善本港媒體和文化質素。
《蘋果》記者
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange