（喜）列貝利有可能同佢細佬一齊幫拜仁慕尼黑比賽；法國《隊報》日前報道，現年30歲嘅法國國腳中場列貝利向拜仁推薦佢嘅19歲細佬史堤芬（圖），結果佢細佬有機會喺安聯跟操同試腳兩個月。可以踢中場或輔鋒嘅史堤芬嘅表現令球隊U19嘅教練希高禾高十分滿意，最終攞到一張短約，仲成功入埋U19代表隊㖭。列貝利就話：「我好想細佬成功，我唔知佢會去到乜嘢層次，但可以肯定嘅係，佢好有質素囉。」話唔埋，列貝利兄弟真係有機會攜手合作，幫拜仁踢德甲同歐聯都未定。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange