與其做怨婦，離婚後活得比你好先係對前夫嘅大報復！荷蘭球星雲達華治早前離婚，並搭上前妻好友、兼國家隊隊友保拿奴斯的前妻，而抽身而退嘅索模前妻施維雅（Sylvie），一於懶理呢段錯綜複雜嘅冤氣四角戀，回復單身嘅模媽更喺新內衣廣告大騷驕人身材（上圖），似乎想向前夫示威：哼！走寶啦你！
35歲嘅索模施維雅着上寶藍色內衣，喺絲絨梳化上擺出性感pose，未知係咪經歷過患癌同離婚打擊，施維爾即使露肉，都有別於一般英超寶貝得股「騷」味，舉手投足都散發女人味同貴氣，女士見到都buy！另一樣更值得女士們學習嘅係，決定告別過去、離婚後要以女神姿態展開新生活嘅施維雅，打算用番舊姓，仲話「施維雅雲達華治已經係過去式」！睇嚟上周六友賽被日本以2:2逼和嘅雲達華治，唔單止低估咗對手，連枕邊人嘅魅力都低估埋。
文：呂晨
以女性角度看球星新聞，唔用眉筆用原子筆寫低球壇百態！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange