（哀）西班牙國債高企，連足協都好似莫財咁，國際賽期間不斷安排國家隊到訪低水準國家友賽，講真練兵作用就麻麻，最緊要收到豐厚戲金；狂牛兵團（紅衫）上周六作客赤道幾內亞，呢個非洲國家有咩球星？我求大俠真係講唔出，西班牙足協肯勞師動眾到訪，都係睇在300萬歐元（約3,000萬港元）戲金份上啫。結果西班牙由辛迪卡索拉同桑法蘭托里斯各建一功，以2:1小勝，但就有沙比阿朗素因傷提早離場；好彩事後證實只係輕傷，下場西甲仲有望復出。
足本收睇《亂噏24》x楊千嬅；影帝張家輝接力上陣！
周一至周五《亂噏24》約定你： http://bit.ly/appletalk24