馬爾代夫慶結婚周年 人妻咪神冇著衫?

馬爾代夫慶結婚周年 人妻咪神冇著衫?

「咪神」徐淑敏(Suki)唔經唔覺已經做咗四年人妻,依家仲轉型做埋事業女性,投入自己美容生意,加上仲要照顧兩個囡囡,隨時忙過以前做藝員添,不過再忙都要輕鬆吓,有啲節日點都要慶祝嘅。

近日人妻Suki飛咗去馬爾代夫,慶祝結婚四周年,仲入住當地W酒店,認真梳乎,呢兩日Suki都有影當地靚景,然後再貼上微博同粉絲分享。

昨午Suki就貼咗張自拍照,相中佢大騷香肩,不過胸口位置就影得好低,其實照相睇呢,估計人妻Suki應該係有着泳衣,或者係以大毛巾遮住身體,點知張相出嚟效果,感覺佢好似冇着咁喎,難怪唔少網民都「咦」聲四起啦﹗

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!