本欄上星期五先寫港府將揭曉重拍3G牌照的決定，果然收市後就揭盅了。一如預期，強迫一班電訊商拎返三分之一嘅3G頻譜出嚟重拍，唔使問，大贏家一定係中移動（941）！
另一邊廂，內地傳出多時發放4G牌照又有新嘅消息，市場人士預料，4G牌照最快將會喺下月18日正式發放。早已做好準備嘅中移動，市傳已經在內地16個城市建設了4G試驗網，簡直盡領先機。既然內地就快進入4G時代，生產4G智能電話的股份，又點可以錯過。
高盛削目標價逾26%
現時內地5大智能電話品牌，分別係「中興、華為、酷派、聯想及小米」，數據顯示，中國無線（2369）旗下嘅酷派，在次季國內智能電話市佔額居第三位，公司而家仲攻佔4G市場，以及銷售貴價智能電話，前景可以看高一線。
雖然高盛發表報告將中國無線剔除「確信買入名單」，更降級至「中性」評級，目標價亦由4.20元削至3.10元，逾26%。指內地的電話分銷渠道出現結構性改變，中國無線的市佔率有可能下跌，毛利率亦會受壓，導致限制營運槓桿，在未來六個月至一年股價都呈橫行格局。
之不過睇圖表走勢，中國無線在上周五大成交逆市的情況下向下插低6%，20日線跌穿50日線，收報2.67元，短期走勢的確麻麻，不宜沾手為妙。但憧憬4G牌照下月中左右公佈，不妨等候回落至2.30元才吸納第一注博反彈。
瑪姬兒
足本收睇《亂噏24》x楊千嬅；影帝張家輝接力上陣！
周一至周五《亂噏24》約定你： http://bit.ly/appletalk24