紐約雙雄開季好似食咗瀉藥咁，戰績慘不忍睹。紐約人上周六主場竟然以90:110不敵鷹隊，主場5連敗，前鋒安東尼（圖）賽後批評隊友唔夠硬淨，又抱怨自己一對肩膀都有傷，但冇得休息。大佬都唔肯喺呢個非常時期孭飛，紐約人真係唔樂觀。網隊同紐約人果然係難兄難弟，傷咗B盧比斯同迪朗威廉士一對正選，加尼特同皮雅斯因為背靠背休息，殘陣作客以103:110不敵快艇，累積第5場作客敗仗。皮雅斯對住舊教練、轉教快艇嘅李華士，就好感觸咁講：「𠵱家坐喺佢隔籬，但唔係聽佢指揮，感覺有啲怪；今夏我都一度以為自己同加尼特會轉投快艇跟李華士㗎！」
足本收睇《亂噏24》x楊千嬅；影帝張家輝接力上陣！
周一至周五《亂噏24》約定你： http://bit.ly/appletalk24