聯儲局副主席耶倫雖然未坐正，但在聽證會時所漏的口風都非常之鴿派，刺激道指再創歷史新高，我喺港股聽到呢個消息亦十分興奮，恒指急升近400點，重上50日線，雖然唐牛常說炒股唔炒市，但如果恒指走勢好似前幾日咁肉酸，終有一日都會拖累其他股份，進而影響強勢股。
沉寂一段時間的頁岩氣股，近期又有番朝氣。中石化（386）上周公佈與殼牌合作發展中國中部的頁岩氣探測，加上早前國家能源局發佈的頁岩氣產業政策，相信都係時候翻兜呢類股。 其實頁岩氣股年初炒到火紅火綠，股價翻倍係等閒事，但自第三輪招標未有如期開展之後，走勢就開始走樣，除咗海隆（1623）能屢創新高外，其他紛紛從高位下跌至少三成，相比年初，現時估值已經返回合理水平。
宏華（196）既做油田服務又做鑽機工具，市場認為唔夠專注頁岩氣發展，所以估值一直比同業為低，加上半年業績增長未及市場預期，股價由高位差不多跌咗一半。但隨着行業氣氛轉好，有國策扶持，加上主要客仔中石化要大搞頁岩氣，來年生意肯定唔憂做。睇番股價在低位都整固咗四個月，呈兜底形態，上周成交大增，股價一舉升破多條平均線，初現轉勢訊號，現價買入，初步目標先睇2.80元，進而可再挑戰3蚊大關。
唐牛
足本收睇《亂噏24》x楊千嬅；影帝張家輝接力上陣！
周一至周五《亂噏24》約定你： http://bit.ly/appletalk24