黃日華一家三口及陳嘉桓等昨在山頂出席「狗狗同樂籌款日」，擔任大使的林憶蓮未有受訪。對於網民發起明晚無綫台慶熄電視，曾力數無綫、後轉投拍港視劇的黃日華會否支持？他說：「香港係個自由地，講乜做乜有自由，鍾意阿叻（陳百祥）咪開電視，唔鍾意咪熄，但當日我唔喺香港。」他又出口幫阿叻：「無綫台慶一年一次，藝人立場，希望自己嘅努力同作品畀大家看到。」他笑言阿叻為人一向誇張，叫大家當娛樂新聞來看。
另外，李克勤昨在奧海城出席簽唱會，他冇份參與台慶，揚言會留在家中看電視。提到明年四大唱片歌手可參與勁歌季選，克勤笑言要等高層黃劍濤指示：「係好事，但如果可以夾埋一齊搞一個，相信所有歌手都會參與。」
採訪：譚倩宜
攝影：黃偉雄
足本收睇《亂噏24》x 楊千嬅；影帝張家輝接力上陣！
周一至周五《亂噏24》約定你： http://bit.ly/appletalk24