Trevor是元祖級《星矢》狂迷，12歲便迷上：「記得1987年，由天龍漫畫開始，我便愛上《星矢》，最大轉變可數到1991年，由於當時三色台第一次播放深夜動畫，對於一個小朋友要晚上12點睇卡通，印象好深刻！」
至於收藏《星矢》產品，實始於2003年：「該年，冥王十二宮篇揭開了《星矢》動漫化序幕，跟住出現好多周邊產品，那時候我就開始收集古靈精怪的藏品，例如黑膠、卡式帶、鉛筆，甚至遊戲機盒帶，現在已超過5,000件。」講到最經典，那是店舖用的十二宮模型宣傳紙板：「這塊紙板，原本是商店用來襯托十二個聖鬥士模型的，所以是非賣品；偶然機會下，我在日本網站見到，於是立即買下。」
同樣是資深「星迷」的King，經常走訪日本古玩店，搜羅星矢新舊藏品；他最喜歡的，是1989年推出「聖鬥士聖衣大系」：「因為我鍾意睇十二宮篇，尤其以教皇為主軸的故事，對每一個角色都很喜歡。」除了收藏大量當年被視為高階的Figure外，他還特別珍惜幾款非賣品：「記得日本曾舉辦抽獎活動，中獎者可獲得限量2,000件的聖衣箱、人馬座聖衣又或者教皇Figure等，有一次我在日本玩具店發現了，當然立即買回來。」阿King仲話，一套1987年出的暗黑青銅聖衣組裝模型，當年推出的售價只是百多元一盒，如今已升值40倍，真係越遲買越貴。
新舊「聖物」可睇可買
唔講唔知，《星矢》已踏入第28年，無論你由十二宮，抑或冥王篇開始追看，這套動漫的確帶畀大家好多童年回憶！由即日至明年1月，除了Vieko、Trevor、King會在Mikiki商場展示自家珍藏外，《星矢》非賣品包括動漫手稿、青銅聖衣Prototype以及即將發售的Figure，亦會搶先曝光，各位「星迷」仲可以即場預訂！
《聖鬥士星矢》聖域神話館
開放日期：
2013年11月18日至
2014年1月6日
地點：新蒲崗Mikiki地下中庭
費用：全免
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange