曾經同港腳陳肇麒到酒店短聚而名哄一時嘅24歲女模Emily（上圖），噚日現身東望洋做賽車女郎，極為「吸晴」。Emily話已經同前男友冇晒聯絡，自己𠵱家好努力工作，希望實現買法拉利跑車嘅目標。
不惜工本為影3D相
屆屆大賽車都吸引大批攝影發燒友，今屆又點會例外。最誇張就要數William（圖），佢做咗個相機框，框入面裝有2部Nikon單反，佢話咁樣做，係因為要影3D相，不惜工本都值得。
《中華英雄》戰車耀眼
大賽車最後一日，車迷同龍友都把握最後機會，忙足咁多日嘅賽會工作人員亦都趁機輕鬆一下，走入車房，同啲戰車影相「集郵」，小記就最欣賞車身畫咗《中華英雄》圖案嘅F3戰車。
下屆回歸只鬥4日
今屆賽事分開兩個星期玩，鬥足6日，的確好刺激，下屆就會回復原狀得4日，賽期由明年11月13至16號，正因為賽期「縮短」，今屆部份新辦嘅賽事，可能冇得再搞。
足本收睇《亂噏24》x楊千嬅；影帝張家輝接力上陣！
周一至周五《亂噏24》約定你： http://bit.ly/appletalk24