王浩信與老婆陳自瑤剛慶祝結婚兩周年，二人育有1歲多的囡囡靖喬，三口之家有意再添新成員，王浩信說：「我哋努力緊，睇吓係咪生到馬仔。」他大讚囡囡是開心果，並說：「佢好嗲，但又好定性，好識𠱁我哋開心。」王浩信表示囡囡甚有表演慾，他說：「佢會聞歌起舞，對我啲結他好有興趣。」靖喬想必是繼承了父母的表演天份，他說：「我估佢將來都有興趣入行，係嘅話，我一定唔阻止。」不少星級父母都反對子女繼承衣鉢，偏偏王浩信卻支持，他說：「我細細個就好鍾意唱歌，13歲仲攞咗藝訓班表格打去問詳情，爺爺鬧過我，後來屋企破產，我又入咗行，終於捱咗啲成績出嚟。𠵱家做咗老竇，唔想用舊時一套逼仔女聽晒父母安排，我尊重佢哋揀自己條路。」