昨日是詞神林振強（Richard）逝世十周年紀念日，商台晚上假亞洲國際博覽館舉行「追憶林振強」音樂會，張學友、林子祥、林憶蓮和劉美君演繹故友生前作品，包括《每天愛你愛一些》、《最後一夜》、《壞女孩》及《細水長流》等，陳慧嫻則擔任特別嘉賓唱《儍女》和《千千闕歌》。
黃偉文台上示愛
開場時填詞人潘源良上台致辭悼故友，他說：「今晚呢度係你主場，自從你出現之後，整個香港文化都係你主場，十年，I miss you much！」林子祥打頭陣演繹《追憶》及《每一個晚上》等金曲，他說：「今晚唱林振強歌，相信佢喺上天會聽到，永遠記得林振強先生。」林子祥續說：「各位觀眾，我叫林振祥，真係有首歌名叫《林振祥》，但唔係Richard寫，我哋合作近60首歌，好熟，但問我哋講過乜唔記得，佢仲少講嘢過我，仲少表情，每次都係得我講晒，佢只係一支一支煙食落去，佢留低二手煙畀我，到𠵱家都未清晒。
黃偉文上台則說：「我愛你林振強，91年《叱咤》有創作人音樂會，自己做策劃，強伯上台接受獻花，咁多年只聽過佢講一句：『多謝』，我嚇一嚇，佢係咪身份調轉咗？如果唔係有佢，我唔會做填詞人，有人講廣東歌填詞人心底有少女心，同外殼冇關，相信第一個擁有少女心嘅係林振強，佢寫到好多少女反叛、心事，幫廣東歌填詞人打開易行嘅路，其實鍾意廣東歌嘅人，好似林振強懷有赤子心，所以話香港樂壇已死嘅人係文盲，因為廣東歌唔會有最後一夜。」
陳潔靈讚樂壇驕傲
昨晚林燕妮、陳奕迅、徐濠縈、林夕、胡楓夫婦及楊崢等捧場，沒獲邀演出的陳潔靈亦大方睇騷，她說：「Richard係香港樂壇驕傲，好榮幸唱佢作品，今晚嚟支持佢家人，佢太太多謝大家咁錫Richard。」
填詞人陳永謙則說：「朋友介紹睇林振強歌詞，自己愛上咗，啟發自己執筆填詞，最深印象《追憶》同《我要》。」
採訪：馬建華
攝影：仇志德
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！