「喊」是嘉欣的拿手戲碼，由最初聲嘶力竭地哭，看得人由憐生厭，至近年開竅漸見層次，她笑說：「係㗎！以前啲人成日話我記得鍾嘉欣，係因為佢喊，對我嚟講，就算佢哋話我喊得好靚呀！反而我聽完唔係好開心，希望人哋記得我係識演戲，唔係識喊，喺《巨輪》有好多喊戲，但係我全部用咗唔同處理方法，冇晒嗰種歇斯底里大喊，開始覺得原來喊係可以喺裏面喊，有層次。」
令嘉欣一喊而紅，《玩嘢王》功不可沒，她仍然興奮：「最開心係連譚詠麟都話嘉欣演技好好，同埋我未試過返公司入canteen，無啦啦成個canteen嘅人喺度鼓掌起哄，個個喺度恭喜我，好似我攞咗獎咁呀！又有人好似識我廿年咁走過嚟話：『你好好呀！恭喜晒！』唔知以為我宣佈擺酒定結婚，成兩三個月keep住咁，仲勁過最佳女主角，以前常在心同Miss Cool嗰陣效應都好大，但冇𠵱家咁大，真係好恐怖，嗰種認同感真係好大，真係好開心。」
足本收睇《亂噏24》x楊千嬅；影帝張家輝接力上陣！
周一至周五《亂噏24》約定你： http://bit.ly/appletalk24