【奇招突出】
近期二手樓一潭死水，業主求出貨各出奇謀。荔枝角美孚新邨首見有業主自行舉辦開放日，又親自落街派傳單。這招果然奏效，單位在開放日當日吸引十多組客睇樓，並即晚以400萬元賣出。
自派傳單 400萬沽出
香港置業余柏也稱是第一次見屋苑有業主自己做開放日，並成功售出，可能是近期多新盤發售，代理棄守二手所致，業主都要自己派傳單賣樓。單位為5期蘭秀道15號高層K室，建築面積554方呎，實用面積412方呎，原叫價450萬元，放盤已一個月。業主有見單位乏人問津，上周四自行在屋苑派傳單，為單位的開放日做宣傳，但睇樓客必須透過代理睇樓。
上周五開放日吸引十多組客參觀，即日已有實客還價，最終減價50萬元，至400萬元賣出，低市價約3%。原業主1990年1月以77.5萬元購入單位，賬面賺322.5萬元，升值4.2倍。
至於昨日首度開放示範單位的東涌昇薈，現場有一名準買家，透過手機視像功能向友人即時傳送模型擺設影像，隔空睇樓。
另利嘉閣梁德盈稱，長沙灣昇悅居1座低層E室，實用面積511方呎，今年9月放盤叫價620萬元，減至538萬元易手，減幅13.2%。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange