（哀）除咗附加賽，歐洲其他打入明年世界盃決賽周嘅球隊，前晚都相約友賽；意大利主場就同德國拍跳，德國由曉姆斯先開紀錄，意軍由阿比迪下半場追平。戰果冇咩特別，最慘就係德國中場基迪拉（中），下半場同主隊中場派路硬碰硬，整傷咗左膝，要退下火線之餘，仲隨即送入米蘭醫院接受治療；德國隊醫診斷後證實，基迪拉前十字韌帶撕裂，要養傷至少半年，可唔可以趕得切明年決賽周都成疑問。
足本收睇《亂噏24》x 楊千嬅；影帝張家輝接力上陣！周一至周五《亂噏24》約定你： http://bit.ly/appletalk24