（哀）星期四嘅友賽，哥倫比亞靠法卡奧（圖）同域陀伊巴保各入一球，作客以2:0擊敗俾好多球迷吹捧做世界盃黑馬嘅比利時。呢場嘅焦點唔係球員，而係入場睇波嘅車路士領隊摩連奴（左圖）。眾所周知，車路士班前鋒唔係好掂，摩佬應該係嚟睇吓法卡奧嘅表現。不過，當摩連奴被影到、出現喺球場嘅大螢幕時，竟然被球迷狂噓。究竟摩佬做錯啲咩？原來比利時球迷係怪摩佬對同胞奇雲迪布尼投閒置散，搞到呢位新星成日喺車路士坐冷板，冇得發揮。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange