（怒）英格蘭U21喺周四U21歐國盃外圍賽，主場迎戰芬蘭U21以3:0大勝，𠵱家喺A組4勝1和，打少一場都穩坐榜首，領先威爾斯3分。今季嶄露頭角嘅西布朗前鋒比拉希奴（圖）喺呢場波表現出色梅開二度，佢喺入第一球之後揭起自己件波衫，露出一早寫定喺底衫嘅「RIP Love U Dad（願你安息，愛你，爸爸）」字句，向佢喺10年前離世嘅父親致意；但球證就好冇人情味，照畀張黃牌佢。領隊修夫基賽後講番，話比拉希奴喺半場休息嗰陣為事件道歉，仲話希望佢可以當上一課吸取教訓。估唔到修夫基都一樣咁冇人情味。
足本收睇《亂噏24》x楊千嬅；影帝張家輝接力上陣！
周一至周五《亂噏24》約定你： http://bit.ly/appletalk24