鍾樹根叫王維基「收皮」，小朋友豎晒耳仔。既然小傢伙會答right angle是右邊腳跟，又認為常常training是比駕車更便宜的交通工具，甚至將香港腳athlete's foot當成波鞋腳，對於「收皮」，小朋友一定有他們的真知灼見，替鍾樹根解畫：
一年班女生說，收皮是媽咪至愛的修甲，鍾樹根搵日約王維基去試吓，做兩對花甲。
二年級男生勁鬼馬，剛上完性教育課的他認定，鍾樹根指的，是包皮，快將為王維基的子孫根成立關注組。
三年班男生一直想扮大佬收𡃁，認為根叔是想收基哥做𡃁，幫他挽鞋。
四年級班長跟阿媽吵架，二度創作，升呢叫阿媽「收經」！
五年班女生單純地諗，鄉紳出身的阿根，是明益阿基，叫他收地皮，學茂波咁，遲早發過豬頭丙！