即使男女間如何親密，面對另一半，也總會有心中很想問卻「開不了口」的時候。日本有網站做了一個調查，選出情侶10大開不了口的問題，結果第一位是「有考慮結婚嗎」。香港的情侶們，又有甚麼問題是開不了口？
記者：鄒倩婷 攝影：林寶益
動記者在旺角做街訪，過半受訪者都表示兩人之間沒有甚麼不可以問，認為對方最重要是坦誠相對。至於認為有不能問的問題，包括「同我一齊係咪真係開心，有時佢話開心都未必真係開心」、「有冇出過軌，因為事實可能會好難堪」、「真心鍾意我嗎，就算你答咗，都係唔信，咁不如唔好問」，亦有受訪者認為問問題前，心中根本有指定答案，「你話有冇考慮結婚，如果你哋o依家一齊緊，你話冇考慮就死得啦」，旁邊的男朋友都笑著回應說，「都知道答乜嘢嘅」。
若立場倒轉，受訪者表示不希望對方問自己有多少存款，因為怕對方會罵自己「大使」；又介意對方問自己是否真心，認為有些事不用說出口；也怕對方問自己有否出軌，因為顯示對方不信任自己。
其實情侶間也常有話題禁忌，例如有受訪者認為，「財政方面應該獨立，有返自己私人空間」、「比較前度，唔想聽返以前嘅事，可能會有條刺」、「如果對方煩惱緊，可能會唔講住先，等佢煩完再問返」，其實所謂的禁忌，或許只是互相尊重，始終相處開心才能長久！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange