就算你未做到億萬富豪，都可以學吓佢哋投資。紐交所近日推出「億萬富豪指數」（iBillionaire Index），幫你睇實好似股神畢菲特呢類著名投資者買乜股，大家跟住佢哋買就實冇錯嘞。
呢個億萬富豪指數，係追蹤一班著名投資者持有嘅藍籌，包括股神畢菲特、Third Point創辦人洛布、曾問鼎最賺錢基金經理嘅泰珀、富豪投資者伊坎等等。
指數係根據佢哋每季披露嘅投資組合，搵出佢哋喺標普500隻股份中，投資最多嘅30隻股份。唔好以為冇乜好睇，原來追番過去8年，呢個指數平均每年回報都有12.6%，跑贏標普500指數嘅7.06%，呢班人果然投資有道。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange