在facebook搜尋有趣又有技術的BB相片，找到晴B的網頁，一張在泳池拍攝，BB自行將水潑往頭上的相片深深吸引着小記，遂找來晴B的爸爸阿偉給我們一點貼士如何影出好看的孩子相。他主要教我們在室內拍攝：「有小朋友的家一般較凌亂，其實可用大光圈令背景模糊一點，也可找些線條優美的地方做構圖，例如BB床的欄邊。」在對焦方面，他認為應主力對在孩子的眼仔上，應多用AF-C連續伺服對焦，皆因小朋友的動作較快，最好由相機追焦。
「在構圖方面，因為小朋友周圍走無時停，經常會走出構圖範圍，所以應預Wide一點，約30-40%，令自己有裁相的空間。拍照時也最好與小朋友水平地拍照，同一視線攝影效果更佳。」在快門方面，他認為可以的話當然Set高一點好，最好能在焦距的2.5至3倍，可考慮提高ISO，再增高快門。雖然高ISO會有點Noise，但總好過影不到吧？在燈光方面，偉爸爸認為在一歲前還是不要用閃燈，因為外國有指閃燈會令瞳孔突然擴張，從而影響腦部發展，或可買LED燈，也可多用自然光吧！偉爸爸：「一歲後可打Bounce， 即閃光燈向天花板或牆打，做成反射光，小朋友唔好坐貼牆，如果唔係就有影，選擇白色天花板或牆攝影最佳。」用白牆白天花如果覺得沉悶，晴B爸指可多用Photoshop進行創作， 將平凡相片變成不平凡呢！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange