何傲兒（Lily）小時候花名多多，暱稱小傲走天涯。從小學開始已是鴨仔狂迷，小三時校慶竟然夢想成表演真跳鴨仔舞，最深刻是當年董建華也是台下觀眾之一，長大後亦貫徹始終從未變心，收藏大量鴨仔精品。
熱愛表演
Lily雖然選美出身，但她自小喜歡的卡通並不是芭比娃娃或公主，而是小鴨仔，她憶述：「小學時已鍾意咗鴨仔，記得三年班時校慶，可以跳鴨仔舞，咁啱當時董伯伯嚟我哋學校，就喺台下成為咗我觀眾之一，令我好難忘。」
Lily自小花名多，她覺得最有趣是被家人稱她何鱷魚，另一乳名則是小傲，她說：「小傲係由細叫到大，尤其入咗無綫後，人人都咁叫我，因為同敖嘉年同一個經理人，佢係大敖，我係小傲。」
Lily自小與家姐何傲芝睡同一房間，兩姊妹年齡相差約四年，她會追隨家姐的喜好，連喜歡偶像也站同一陣線，她說：「家姐好鍾意聽歌，好鍾意黎明，所以我細個時都受家姐影響，視黎明係偶像，直至有容祖兒出現，我就有自己真正鍾意嘅偶像。」
聽音樂也有啟發潛能一面，原來Lily小時候音樂造詣不錯，有學樂器和參與合唱團等，她直言：「我選港姐時才藝表演古箏，反而運動就真係弱項。」
撰文：卓寶花
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！