近排頻頻出動sell新書嘅前中央政策組首席顧問顧汝德（Leo Goodstadt），噚日俾八方同行家扑咪時突然大爆發，半個鐘訪問明嘲暗諷佢面前嘅記者，不停話「非常恐怖」等。有乜嚇親魔僧？查實行家只係問呢位前朝智囊點睇免費電視發牌箒，結果魔僧一開口就發晒難，問大家做乜唔問貧窮而問呢啲？行家話貧窮人負擔唔起畀錢睇有線，又問普選同佔中係咪可以終極解決貧窮，激到魔僧幾乎爆血管，係咁話no sir、no sir、no sir，話自己好心痛，「我用咗差唔多半個鐘頭講香港最慘嘅人，但你們在做甚麼呢（but what are you doing）？」魔僧話自己唔係張三李四，唔會隨便發言，八方就係知你唔係張三李四先問你啫。
足本收睇《亂噏24》x 楊千嬅；影帝張家輝接力上陣！
周一至周五《亂噏24》約定你： http://bit.ly/appletalk24