有民主派人士早排去台灣正常交流，返港後即刻俾建制派聯署喪鬧引入台獨；咁立法會主席曾鈺成下個月2號喺立法會宴會廳，宴請各國駐港總領事食飯「勾結外國勢力」又點計先？經常俾阿爺鬧干預香港事務嘅美國駐港總領事夏千福，當日亦去立法會到此一遊，唔知曾鈺成屆時有乜好嘢食益吓佢呢？目前獲邀名單上有差唔多30位駐港總領事，北韓、新加坡、越南、緬甸等都榜上有名；但因為人質事件而同香港關係差咗嘅菲律賓就唔見影，英國駐港總領事吳若蘭冇份，點解落選？原來今次只請新到任嘅領事咋！
足本收睇《亂噏24》x 楊千嬅；影帝張家輝接力上陣！
周一至周五《亂噏24》約定你： http://bit.ly/appletalk24