佘詩曼為最新一期時尚與美容雜誌《add》擔任封面女郎，闊別本港觀眾一年多的她強勢回巢無綫，專注事業之餘亦不忘為將來打算，阿佘經常傳緋聞，跟異性特別有緣？她說：「拍劇五十部，有四十八部劇對手都係男仔，娛樂圈女演員始終有競爭，我性格唔係一個好女仔嘅女仔，唔識同女仔講扮靚，又唔鍾意講是非。同男仔做朋友好啲，少講是非，一埋位就講劇情、講車，同佢哋又冇競爭，至少唔會害你、唔會跣你！入行咁多年，試過俾人出賣，真係好hurt好hurt，今日同你做朋友，第二日C1新聞就調轉頭講你，覺得好恐怖。」
阿佘過去十多年只顧在事業上打拼，獨欠真命天子，曾戀過陳浩民及鄭嘉穎，可惜沒有開花結果，dry了四年，中間亦有拍拖，她決意找一個能付託終生的人：「仲未有真命天子，有都結咗婚，生咗小朋友。我欣賞有才華嘅男人，媽咪知我係工作狂，佢唔要我嫁畀錢，希望我嫁畀一個開心同錫我嘅人。如果唔係入咗呢行，我諗已經結婚生仔。我都要為將來鋪路，呢一年會放慢工作，慢慢搵。」
羨慕陳茵媺
眼見好友陳豪與陳茵媺結婚生仔，阿佘不禁表露羨慕之情，她說：「最好係（佢哋）咁樣，一拍即合，見到佢哋咁幸福都好開心！」（詳細內容請參閱第29期《add》）
撰文：林妃
足本收睇《亂噏24》x 楊千嬅；影帝張家輝接力上陣！
周一至周五《亂噏24》約定你： http://bit.ly/appletalk24