東北發展將消滅多條村落，早已講明冇可能不遷不拆嘅發展局局長陳茂波，呢個禮拜六、日終於親身落村，但波叔未動，警察同食環署等全部都要先行，喺馬屎埔村嘅馬寶寶社區農場呢幾日就獲得多項「優惠服務」。首先係免費洗太平地，大批食環署外判人員剪草掃葉，仲用吸塵機吸乾淨；農場成員卓佳佳話地產商收咗村地，留低好多石屎垃圾，村民向食環署投訴過都冇人理，但今次就連嗰啲地方都執得乾淨。此外仲有大批警察不斷喺村巡邏，便衣、軍裝、藍帽子、警民關係科同野外巡邏隊都有，連安排落村行程嘅民政處人員都有20、30人，使唔使咁勞師動眾呀？
足本收睇《亂噏24》x 楊千嬅；影帝張家輝接力上陣！
周一至周五《亂噏24》約定你： http://bit.ly/appletalk24