網民發起下周二熄電視抵制無綫台慶，陳百祥連日不停挑機，他懶理網民行動，前日跟黃杏秀在中環出席活動後拍拖離去，兩人坐車到銅鑼灣崇光樓上咖啡店嘆下午茶，但兩人竟要分枱坐，阿叻獨自揀了隱蔽角落刨馬經，後來兩人發現記者即「合體」到餐廳外睇衫，看一輪又各自返回自己的餐桌，行為騎呢。
阿叻其後入跑馬地馬場，甫到達便走入廂房，隔了一會秀姑帶着兩位同性友人會合，其間與阿叻仍是零交流。前晚8時多，廂房突然多了佘詩曼、阮兆祥、洪天明夫婦和謝天華夫婦等入場耍樂，阿佘跟第三場出賽馬匹「領航精神」馬主胡偉林十分好傾，及至第三場開場前，阿叻過來疑似畀貼士，眾人即去下注，開賽時阿佘睇得雀躍，領航精神最終跑第二。
採訪、攝影：文國駿、李志明、畢紹基
足本收睇《亂噏24》x 楊千嬅；影帝張家輝接力上陣！
周一至周五《亂噏24》約定你： http://bit.ly/appletalk24