【銅鑼灣】無綫過氣最上鏡小姐李雪瑩同有份演無綫劇《On Call 36小時II》嘅藝員謝卓言，日前一齊現身銅鑼灣行街，雖然望落佢兩個唔似拍拖，不過謝卓言同港姐出身嘅女士都好有緣，之前就俾人影過同另一位過氣港姐周美欣行街。佢哋一齊行咗入一幢商業大廈，原來齊齊去咗間傳銷公司入貨。見到李雪瑩買咗好多護膚用品，其間同謝卓言不停交流意見，全部英語對話。
可能李雪瑩同謝卓言都知唔可能打死一世無綫工，所以搵定後路。
採訪、攝影：梁繼光
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！