極權國家北韓嘅「偉大領袖」金正恩，喺北韓乃係神聖不可侵犯，有邊個敢冒犯佢？港人Howard好大膽，自恃天生一副肥仔恩嘅尊容，決定做全球首位專業「A貨金正恩」，得閒就身穿毛裝自high四出嚇人。不過佢自己同網民都擔心，北韓終有一日會派人嚟暗殺佢，所以拒絕透露真實姓名。
嚇親「同胞」 怕俾人暗殺
英國《每日郵報》（Daily Mail）搵咗喺香港出世嘅澳洲籍人士Howard做訪問，以金正恩嘅打扮出巡，從相片可見，途人不分國籍，都相當驚訝「金正恩」同佢哋打招呼、搭地鐵，部份人更即時攞起手機同佢影相兼握手。
Howard就更試過玩嘢向多國駐港領事館申請「庇護」，先後遭美國、南韓趕走，最後向北韓領事館「求助」，「同胞」都不知如何應對。佢更參加過模仿大賽，接拍過以色列漢堡包連鎖店廣告，威脅要襲擊美國。
Howard淆底，擔心北韓會向佢報復，所以唔透露真正姓名，但就肯分享扮肥仔恩嘅竅門：「扮金正恩嘅關鍵，係要保持好唔開心、好不滿嘅樣，呢個係佢招牌。」佢仲話，每次着上毛裝、將頭髮向後梳，人人都嘩嘩聲。為咗唔想日日「癲」倒眾生，Howard有時都要戴帽同太陽眼鏡遮一遮：「做番自己永遠係最舒服。」
成名靠facebook，Howard話，舊年4月佢post咗張扮肥仔恩嘅相上網，瘋傳網絡世界，屋企人同朋友都覺得佢扮代表邪惡、獨裁嘅肥仔恩，相當搞笑兼有guts。
mailto:[email protected]
足本收睇《亂噏24》x 楊千嬅；影帝張家輝接力上陣！
周一至周五《亂噏24》約定你： http://bit.ly/appletalk24