國泰航空（293）都來湊李小龍熱潮。李小龍今年逝世40周年，佢嘅粉絲遍佈全球，國泰本月特別將機上嘅娛樂節目，加入三套李小龍嘅經典電影《唐山大兄》、《猛龍過江》及《精武門》；電視頻道亦播放佢嘅成名作《青蜂俠》同紀錄片等，向呢位一代巨星致敬。
雖然唔係國泰乘客就冇得睇，但都可以參加抽獎。國泰雜誌《Discovery》舉辦網上比賽，參加者上載一張模仿李小龍嘅相，扮得最似、又或者最有創意者，就會贏到一套李小龍電影系列影碟。
其實今年3月時，國泰已經「幫過」李小龍一次。當時保釣人士曾健成（阿牛）去洛杉磯籌款，有人捐出一份李小龍首次同荷李活簽約嘅電影合同，底價值100萬元。國泰見係李小龍物品，又係為保釣籌款，提出免費幫佢運返香港。
足本收睇《亂噏24》x 楊千嬅；影帝張家輝接力上陣！
周一至周五《亂噏24》約定你： http://bit.ly/appletalk24