有「期權之父」之稱、1997年奪諾貝爾經濟學獎嘅邁倫‧斯科爾斯（Myron Scholes）噚日喺城大演講。原來佢同今屆諾貝爾經濟學獎得主之一法馬（Eugene Fama）識於微時，一齊喺芝加哥大學做過學術研究，於是佢開玩笑話：「想攞諾貝爾？同拎咗獎嘅人合作就得！」
72歲嘅斯科爾斯前日獲城大頒授榮譽博士，噚日再喺城大向師生講環球經濟。佢話美國經濟兩大死穴係就業市場增長慢，同通脹上升未符預期，佢估計，耶倫明年上場後，會更進取推行量寬措施，即係話儲局會繼續放水。
斯科爾斯近年專注學術研究，重執教鞭，喺史丹福大學做金融學講座教授，有時去內地大學演講，賺人仔。斯科爾斯都關心中國經濟前景，預測明年經濟增長低過7.5%都唔奇。臨走前，佢畀咗個投資小貼士，話將來內地對潔淨水源需求大，開發潔淨水源科技最有錢途。
足本收睇《亂噏24》x楊千嬅；緊接落嚟 Miriam繼續同你談談情,吹吹水！
周一至周五《亂噏24》約定你： http://bit.ly/appletalk24