世界盃出年夏天就殺到，唔少國家隊最近陸續發佈新波衫，好似一直深受港人支持嘅日本、西班牙，3屆世界盃盟主德國前日亦公佈咗新戰衣，件衫係傳統嘅黑白設計加埋漸變嘅紅色，搶眼度up！着波衫一向都唔淨止係「波牛」嘅專利，就好似波鞋或者運動衫一樣，今時今日冇人在乎功能，最緊要靚同好襯！有邊個着Air Jordan又真係打籃球呀？
不過波衫真係幾難着得靚，又易着肥人；加上波衫本身設計係跟隨球會或國家嘅代表顏色，所以更難carry嘅顏色都有，鮮紫、橙、鮮黃等等，見到都未必想買。男士着波衫可以當tee着，加條牛仔褲就出得門口；但女士着得波衫，好多時都為咗要夠sharp同話你知「我有襯過㗎」，所以其實下身打扮先係重點，露腿、露腰更係搶鏡絕招。熱褲已經係初入門，好在近期高腰打扮當道，以前楔褲俾人笑「蕃薯」，但𠵱家着oversize波衫楔褲先叫型。
文：呂晨
以女性角度看球星新聞，唔用眉筆用原子筆寫低球壇百態！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange