米高佐敦（MJ），97年效力公牛時，總決賽第5場食物中毒現重感冒症狀，但照攻入38分贏波，被球迷稱為「Flu Game」，佢對戰靴最後送咗畀一位球僮，呢個故事原來都幾離奇。
話說MJ賽前一定要食蘋果醬餅乾，一位叫杜文（Truman）嘅爵士球僮喺96年常規賽，公牛作客爵士場波走咗3層樓梯幫MJ撲到蘋果醬，令到佢同波神結下不解之緣。之後總決賽公牛再戰爵士，杜文好識做咁拎定蘋果醬餅乾等MJ。第5戰MJ病到七彩，杜文本來都唔諗住去騷擾佢，但係MJ叫佢埋去，最後仲答應將簽名波鞋送畀杜文（圖）！曾經有人向杜文出價1.1萬美元收購對波鞋，杜文都話唔得，不過如今佢已經35歲，覺得一直收埋對波鞋都冇咩意義，決定將對波鞋以5,000美元（約3.9萬港元）拍賣，周六開始競投。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange