家陣無論中港藝人、內地上市公司老闆，甚至中國證監會都會開番個新浪微博戶口，用來發表意見或者回應市場傳聞。新浪公佈第3季業績時就披露，截至今年9月，微博嘅活躍用戶接近6,020萬個，新浪董事長曹國偉估計，微博好快達到收支平衡㖭呀。
馬雲旗下阿里巴巴今年初以46億元入股新浪微博18%，仲有權增持至30%，市場都估計微博係識生金蛋嘅鵝，否則唔會吸引到馬雲注意，早排市場已經傳出，新浪微博計劃上市。
睇落新浪微博亦可以好快自給自足，上季微博廣告收入增長超過一倍，至3.4億元，曹總估計微博快將達致收支平衡，同阿里旗下支付寶合作之後，微博畀數以百萬計嘅用戶利用手機付款，用戶規模大幅增加，競爭力進一步提高。唔知新浪微博會否早過阿里上市呢？
足本收睇《亂噏24》x楊千嬅；緊接落嚟 Miriam繼續同你談談情,吹吹水！
周一至周五《亂噏24》約定你： http://bit.ly/appletalk24