（哀）巴塞隆拿前鋒美斯（圖）今年做咗玻璃人，又拉傷大腿要唞兩個月，傳媒紛紛調查美斯不斷受傷嘅原因，有啲就話美斯季前出席太多商業活動，成個夏天飛咗超過12萬公里。雖則話球王出trip一定坐頭等啫，但舟車勞頓得太多太密，始終唔好。有巴塞前隊醫主管話，球會用得美斯太盡，有時未傷好晒就搵佢踢，好似上屆歐聯8強對巴黎聖日耳門咁。至於馬德里體育會隊醫都加把口，話美斯左、右大腿嘅二頭肌加埋傷咗9次，估計佢嘅大腿二頭肌已經好脆弱，容易一傷再傷。
足本收睇《亂噏24》x楊千嬅；緊接落嚟 Miriam繼續同你談談情,吹吹水！
周一至周五《亂噏24》約定你： http://bit.ly/appletalk24