近年唔少投行賓架轉行，前海通賓架徐奕基做咗十幾年投行，三年前都走咗去開咖啡店Holly Brown，噚日開到第8間分店。佢希望今年底開到10間分店，至少開到20間先滿足，明年仲會進軍台灣、日本市場。
佢唔係想扮陳豪而開咖啡店，而係本身鍾意嘆咖啡，加上以前幫唔少公司搞上市集資，心癢癢都想擁有自己嘅品牌，自己做老闆。
相對做賓架，佢更享受𠵱家呢份工，覺得咖啡文化市場潛力龐大，經過呢兩三年，佢又學識如何採購、管理、品牌建立等等，佢都試過買貴貨。𠵱家投資期過去，佢估計，今年會開始有盈利。
7歲囝囝都飲咖啡
佢阿仔Ryan雖然只得7歲，人仔細細，但已經鍾意飲咖啡，最愛濃縮咖啡Expresso，阿仔平時仲會跟店內師傳學拉花㖭。
足本收睇《亂噏24》x 楊千嬅；緊接落嚟 Miriam 繼續同你談談情, 吹吹水！
周一至周五《亂噏24》約定你： http://bit.ly/appletalk24