近年越來越多飲食集團上市，表現最好嘅當然係舊年底上市嘅貴價茶餐廳翠華（1314），股價一年升1.3倍。新近連經營日本爐端燒餐廳田舍家、西餐廳Harlan's嘅JC Group都準備喺創業板上市。
去年只賺997萬
奇怪嘅係，位於九龍站ICC嘅田舍家、尖沙嘴The One嘅Harlan's出名係高消費食肆，晚市人均消費閒閒地過千蚊。但係睇佢盤數，成個集團截至今年3月底止，全年收入2.5億元，純利只得997萬元，仲要較去年減少26%。
存貨成本最高，之後係員工成本，租金排第三，一年交租大約4,700萬元。
JC原先喺中環IFC有3間餐廳，包括H One、G Bar，不過今年8月租約期滿冇續租，搵緊地方希望明年下半年喺中環重新開張。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange