【本報訊】下周二無綫台慶日，網民發起「萬千熄機賀台慶」，控訴政府搬龍門踢走港視，但無綫藝人「阿叻」陳百祥卻囂張指，若台慶收視跌剩兩至三點，他會由將軍澳開始跪返家。這番言論連其好友曾志偉也不以為然，前晚出席公開活動時說：「嘩！咁要跪好耐，今次真係開大咗，玩大咗，不過唔會收視得兩點，跌兩點就話，都係為娛樂啫。」
盼馬憑良心作修正
對於演藝人協會聯同電影導演會等11個影視屬會發聲明，要求代表體育、文化、演藝和出版界別的立法會議員馬國逢辭職，曾志偉稱與馬相識多年，「佢有做嘢，只係冇機會解釋，不過唔想多講。」導演杜琪峯則斥責馬逢國作為代表演藝界別的議員，竟然不尊重大多數業界的聲音，投下棄權票，表現實在令影視同業失望，他接受電話訪問時說：「馬逢國係乜背景路人皆知，但你話晒代表演藝界喺立法會發聲，你同演藝界意願對着幹，對成個行業係出賣，你係咪真係要同影視界勢成水火？我希望佢可以憑良心作出修正。」鄭伊健也認為演協要求馬逢國辭職有理，「有道理，大家要做少少嘢」。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange