歐洲有交友網站調查指，如果與另一半拍拖時，只顧看手機，冷落對方，便會有出軌危機！香港的情侶們，拍拖時又會否做低頭族呢？
記者：鄒倩婷 攝影：李漢基
動記者在旺角做街訪，大部份受訪者都表示會在拍拖時用電話，「會呀，而家咪用緊」、「大家各自用電話，咪好似大家各自各行街咁囉」、「會建議食飯唔好玩住囉，如果唔係好似完全忽略咗，咁食飯嚟做乜嘢呢？」亦有貼心的男士在女朋友面前說，「拍拖都係同女朋友傾計，唔用電話都OK」。
該調查又指，如果你愛電話多過另一半，對方很易出軌，但受訪者則認為電話只是藉口，「都係人嘅性格問題，貪玩啦，其他都係藉口」、「咁你用電話，都可以出去偷食嘅唧」。的確，現時很多交友Apps都有助出軌，「遇見囉」、「聽身邊啲朋友講微信多囉」、「朋友同朋友好易睇到，手機可以DEL訊息，無人睇到吖嘛」。
出軌容易，受訪者都認為無法防備，管著對方也沒意思，互相信任最重要。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange