周日嘅意丙出現咗一幕離奇場面。喺沙蘭力坦拿主場對諾斯連拿場打呲，踢咗唔夠20分鐘就因客軍得番6個球員，令比賽被迫腰斬。開波僅兩分鐘，諾斯連拿就換晒3個球員，而喺之後嗰17分鐘，仲先後有5個球員傷出（圖），最後得番6人，唔夠法定比賽人數嘅7人，搞到球證要終止賽事。查實喺開波之前，據報諾斯連拿球員因為接到佢哋球迷嘅死亡恐嚇，嚟到球場門口都唔肯落巴士，令場波已遲開咗40分鐘。消息指，當地警方以安全為理由唔畀諾斯連拿球迷嚟睇波，搞到佢哋勁嬲，於是咪玩嘢向球隊施壓囉！有關方面表示已展開調查，睇吓係咪真係同諾斯連拿球迷有關。
足本收睇《亂噏24》x 楊千嬅；緊接落嚟 Miriam 繼續同你談談情, 吹吹水！
周一至周五《亂噏24》約定你： http://bit.ly/appletalk24