財經事務及庫務局局長陳家強作反了。陳家強噚日出席香港管理專業協會會議，以「香港如何在急速變化的競爭環境下自處」為題演講，呢個悶到爆嘅題目，陳局長一年講幾勻，不過最近全城鬧爆689三揀二發免費電視牌，689解釋話驚增加電視台帶來割喉式競爭，陳家強喺呢個時候就話大家應該歡迎競爭，仲唔係作反？！
689上周拎出「六頁紙」聲明解釋三揀二發牌理據，指增加電視台會攤薄廣告收入，怕割喉式競爭會導致節目質素下降云云。陳家強喺發牌呢件事上面，一直冇出過聲，不過佢噚日演講就提到，「與其擔心競爭，我哋應該歡迎佢，最重要係，我哋應該珍惜同保護我哋嘅核心價值，當中包括開放同自由經濟。」
換轉喺其他時間講，陳家強呢番說話只係阿媽係女人，佢選擇𠵱家講，一係政治敏感度不足，一係想有意無意間暗撐王維基。陳家強喺政府6年，斷估唔再係前者卦。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange