中日關係劍拔弩張，曾任日本首相嘅鳩山由紀夫，噚日到城大接受校方頒發榮譽法學博士學位，卻三度拒絕回應記者問題，即使有記者以日文提問，城大副監督梁乃鵬又幫口，鳩山依然請記者食檸檬，cool足全場。鳩山今日會喺城大發表題為「東亞共同體前景之我見」演說；唔通佢噚日封嘴，係想留番今日一炮過評論，畀大家一啲驚喜？
鳩山係一位傳奇日本首相，佢本身同現任首相安倍晉三都屬自民黨，但佢喺1993年脫黨，幾年後加入新民主黨，2009年帶領民主黨勝出大選，終結自民黨長期執政地位，攀上政治生涯高峯，但做咗唔夠九個月首相就落台，成為其中一位任期最短嘅日本首相。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange