【肆無忌憚】
內地同胞來港瘋搶奶粉，成為國際新聞，昨發表的國際性調查《全球零售盜竊晴雨表》直言內地奶粉等食品屢傳受污染，本港配方奶粉成為賊人眼中肥豬肉。有上水藥房老闆坦言，賊人有組織地以螞蟻搬家形式偷罐裝奶粉，令人防不勝防。
提起奶粉被盜，在上水開設藥房的港九藥房總商會理事林偉成勞氣說，數日前才遭賊人偷奶粉，「一個喺舖入面將奶粉拎入袋，未出門口，另一個賊人就偷咗奶粉走咗出舖外……入面嘅賊人未走出店外已經被喝停，最終放人了事，走咗出店外嗰個就捉咗報警」。
但林嘆有時當場抓着奶粉賊也沒用，「佢哋好有組織，分散人手偷幾罐，佢身上都袋住萬幾蚊，被人拉咗、押到法庭啲賊申辯話身上有錢，但係有病唔記得畀錢就甩身，試過好多單都係咁」。林偉成已不敢將奶粉放在門口，改放在當眼處及高位，以及聘護衞看守。
《蘋果》記者
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange